ഹ​ജ്ജി​നു പോ​കാ​ൻ കാ​ത്തി​രി​ക്കു​ന്ന​വ​രു​ടെ യാ​ത്ര സം​ബ​ന്ധി​ച്ച അ​നി​ശ്ചി​ത​ത്വം നീ​ങ്ങി​യി​ല്ല.

മ​ല​പ്പു​റം: 

സ്വ​കാ​ര്യ ഓ​പ​റേ​റ്റ​ർ​മാ​ർ വ​ഴി ഹ​ജ്ജി​നു പോ​കാ​ൻ കാ​ത്തി​രി​ക്കു​ന്ന​വ​രു​ടെ യാ​ത്ര സം​ബ​ന്ധി​ച്ച അ​നി​ശ്ചി​ത​ത്വം നീ​ങ്ങി​യി​ല്ല. സൗ​ദി​യു​ടെ ഹ​ജ്ജ് പോ​ർ​ട്ട​ൽ അ​ട​ക്കു​ന്ന​തി​നു​മു​മ്പ് ന​ട​പ​ടി​ക​ൾ പൂ​ർ​ത്തി​യാ​ക്കാ​ത്ത​തി​നെ തു​ട​ർ​ന്നാ​ണ് ഇ​ന്ത്യ​യി​ൽ​നി​ന്ന് സ്വ​കാ​ര്യ ഗ്രൂ​പ് വ​ഴി പു​റ​പ്പെ​ടേ​ണ്ട 42,500 തീ​ർ​ഥാ​ട​ക​രു​ടെ യാ​ത്ര അ​നി​ശ്ചി​ത​ത്വ​ത്തി​ലാ​യ​ത്. ക​ഴി​ഞ്ഞ ഫെ​ബ്രു​വ​രി​യി​ൽ പൂ​ർ​ത്തി​യാ​ക്കേ​ണ്ട ന​ട​പ​ടി​ക​ളെ​ക്കു​റി​ച്ച് കേ​ന്ദ്ര​സ​ർ​ക്കാ​ർ യ​ഥാ​സ​മ​യം അ​റി​യി​ച്ചി​ല്ലെ​ന്നാ​ണ് ഓ​പ​റേ​റ്റ​ർ​മാ​ർ പ​റ​യു​ന്ന​ത്. എ​ന്നാ​ൽ, പ്ര​തി​സ​ന്ധി​ക്ക് കാ​ര​ണം ഓ​പ​റേ​റ്റ​ർ​മാ​രു​ടെ വീ​ഴ്ച​യാ​ണെ​ന്ന് സ​ർ​ക്കാ​ർ പ​റ​യു​ന്നു.

ഏ​റ്റ​വു​മൊ​ടു​വി​ൽ പ്ര​ധാ​ന​മ​ന്ത്രി​യു​ടെ സൗ​ദി സ​ന്ദ​ർ​ശ​നം പ​രി​ഹാ​ര​മു​ണ്ടാ​ക്കു​മെ​ന്ന് പ്ര​തീ​ക്ഷി​ച്ചി​രു​ന്നെ​ങ്കി​ലും ഫ​ല​മു​ണ്ടാ​യി​ല്ലെ​ന്നാ​ണ് സൂ​ച​ന. പ​ഹ​ൽ​ഗാം ഭീ​ക​രാ​ക്ര​മ​ണ​ത്തെ തു​ട​ർ​ന്ന് പ്ര​ധാ​ന​മ​ന്ത്രി യാ​ത്ര വെ​ട്ടി​ച്ചു​രു​ക്കി ഇ​ന്ത്യ​യി​ലേ​ക്കു മ​ട​ങ്ങി. യാ​ത്ര വെ​ട്ടി​ച്ചു​രു​ക്കി​യ​തി​നാ​ലാ​ണോ ഈ ​വി​ഷ​യം ച​ർ​ച്ച ചെ​യ്യാ​തെ പോ​യ​തെ​ന്ന് വ്യ​ക്ത​മ​ല്ല. അ​തേ​സ​മ​യം, പ​തി​നാ​യി​രം പേ​ർ​ക്കു​കൂ​ടി ഹ​ജ്ജി​ന് അ​വ​സ​രം ന​ൽ​കു​മെ​ന്ന് സൗ​ദി നേ​ര​ത്തേ അ​റി​യി​ച്ചി​രു​ന്നു. ഇ​തു​പ്ര​കാ​രം ഹ​ജ്ജ് പോ​ർ​ട്ട​ൽ (നു​സു​ഖ്) വ്യാ​ഴാ​ഴ്ച വൈ​കു​ന്നേ​രം മു​ത​ൽ തു​റ​ന്നെ​ങ്കി​ലും അ​പ് ലോ​ഡി​ങ് ന​ട​ക്കു​ന്നി​ല്ലെ​ന്ന് ഹ​ജ്ജ് ഓ​പ​റേ​റ്റ​ർ​മാ​ർ പ​റ​യു​ന്നു. മേ​യ് അ​ഞ്ച് ക​ഴി​ഞ്ഞാ​ൽ ഈ ​പോ​ർ​ട്ട​ൽ അ​ട​ക്കും. ഈ ​ക്വോ​ട്ട​യി​ൽ 500ൽ ​താ​ഴെ ഹാ​ജി​മാ​ർ​ക്കേ കേ​ര​ള​ത്തി​ൽ നി​ന്ന് അ​വ​സ​രം ല​ഭി​ക്കൂ.

കേ​ര​ള​ത്തി​ൽ​നി​ന്നു മാ​ത്രം 11,000ത്തോ​ളം പേ​ർ സ്വ​കാ​ര്യ ഗ്രൂ​പ് വ​ഴി പോ​കാ​ൻ ഒ​രു​ങ്ങി​യി​രു​ന്നു. കേ​ര​ള​ത്തി​ലെ അം​ഗീ​കൃ​ത ഏ​ജ​ൻ​സി​ക​ൾ കൂ​ടാ​തെ ഇ​ത​ര സം​സ്ഥാ​ന​ങ്ങ​ളി​ലെ ഏ​ജ​ൻ​സി​ക​ൾ വ​ഴി​യാ​ണ് ഇ​ത്ര​യും പേ​ർ യാ​ത്ര​ക്ക് ഒ​രു​ങ്ങി​യ​ത്. ആ​റു ല​ക്ഷം രൂ​പ വ​രെ​യാ​ണ് സ്വ​കാ​ര്യ ഏ​ജ​ൻ​സി​ക​ൾ നി​ര​ക്ക് നി​ശ്ച​യി​ച്ച​ത്. പ​ല​രും ആ​ദ്യ​ഗ​ഡു​വോ മു​ഴു​വ​ൻ തു​ക​യോ അ​ട​ച്ച​വ​രാ​ണ്. തീ​ർ​ഥാ​ട​ക​രി​ൽ​നി​ന്ന് വാ​ങ്ങി​യ അ​ഡ്വാ​ൻ​സ് തു​ക കേ​ന്ദ്ര​സ​ർ​ക്കാ​റി​ലേ​ക്ക് അ​ട​ച്ച​താ​ണെ​ന്ന് ഏ​ജ​ൻ​സി​ക​ൾ പ​റ​യു​ന്നു.

കേ​ര​ള​ത്തി​ൽ സ​ർ​ക്കാ​ർ ഹ​ജ്ജ് ക​മ്മി​റ്റി വ​ഴി ഹ​ജ്ജി​ന് പോ​കാ​നൊ​രു​ങ്ങി​യ​വ​രി​ൽ പ​ല​രും കൂ​ടു​ത​ൽ സൗ​ക​ര്യ​ങ്ങ​ൾ പ്ര​തീ​ക്ഷി​ച്ച് സ്വ​കാ​ര്യ ഗ്രൂ​പ്പി​ലേ​ക്ക് മാ​റി​യി​രു​ന്നു. ഇ​തി​നി​ടെ സ്വ​കാ​ര്യ​ഗ്രൂ​പ്പു​ക​ൾ നി​ര​ക്ക് കു​റ​ച്ച് ഹാ​ജി​മാ​രെ ആ​ക​ർ​ഷി​ക്കു​ക​യും ചെ​യ്തു. ഇ​ങ്ങ​നെ മാ​റി​യ​വ​രെ​ല്ലാം പ്ര​തി​സ​ന്ധി​യി​ലാ​യി​രി​ക്കു​ക​യാ​ണ്. ഹാ​ജി​മാ​രു​ടെ യാ​ത്രാ​ന​ട​പ​ടി സം​ബ​ന്ധി​ച്ച് പു​തി​യ അ​റി​യി​പ്പു​ക​ളൊ​ന്നും സ്വ​കാ​ര്യ ഓ​പ​റേ​റ്റ​ർ​മാ​ർ​ക്ക് ല​ഭി​ച്ചി​ട്ടി​ല്ല. ഇ​ന്ത്യ-​സൗ​ദി ക​രാ​ർ പ്ര​കാ​രം 1,75,000 പേ​ർ​ക്കാ​ണ് ഇ​ന്ത്യ​യി​ൽ​നി​ന്ന് ഹ​ജ്ജി​ന് അ​വ​സ​രം ല​ഭി​ച്ച​ത്. ഇ​തി​ൽ 30 ശ​ത​മാ​നം സ്വ​കാ​ര്യ​ഗ്രൂ​പ്പു​ക​ൾ​ക്ക് അ​നു​വ​ദി​ച്ച​താ​ണ്. ഇ​തു​പ്ര​കാ​ര​മാ​ണ് 52,500 പേ​ർ സ്വ​കാ​ര്യ​​ഗ്രൂ​പ് വ​ഴി ഹ​ജ്ജി​ന് പു​റ​പ്പെ​ടു​ന്ന​ത്. ഈ ​ക്വോ​ട്ട​യാ​ണ് റ​ദ്ദാ​യ​ത്.