ന്യൂദല്‍ഹി : എം ബി ബി എസ് ഉള്‍പ്പെടയുള്ള മെഡിക്കല്‍ അനുബന്ധ കോഴ്‌സുകളിലെ പ്രവേശനത്തിനുള്ള നീറ്റ് പ്രവേശന പരീക്ഷ ഇന്ന് നടക്കും. ഉച്ചയ്ക്ക് ശേഷം രണ്ട് മണി മുതലാണ് പരീക്ഷ. വിദേശ രാജ്യങ്ങളിലെ 14 കേന്ദ്രങ്ങളടക്കം ആകെ 499 കേന്ദ്രങ്ങളിലാണ് നീറ്റ് പരീക്ഷ നടക്കുന്നത്.
20 ലക്ഷത്തിലധികം കുട്ടികള്‍ ഇത്തവണ പരീക്ഷ എഴുതുന്നുണ്ട്. കേരളത്തില്‍ 16 നഗര കേന്ദ്രങ്ങളിലായി 1.28 ലക്ഷം പേരാണ് പരീക്ഷ എഴുതുന്നത്.പതിവ് മാര്‍ഗ നിര്‍ദേശങ്ങള്‍ കര്‍ശനമായി പരീക്ഷയില്‍ നടപ്പിലാക്കും. ഉച്ചയ്ക്ക് ഒന്നരയ്ക്ക് മുന്‍പ് വിദ്യാര്‍ത്ഥികള്‍ പരീക്ഷാ കേന്ദ്രങ്ങളില്‍ പ്രവേശിക്കണം. പരീക്ഷാ ഹാളില്‍ പ്രവേശിക്കുന്നതിന് ഡ്രസ് കോഡുണ്ട്.
ഹാളില്‍ അനുവദിക്കുന്ന വസ്തുക്കള്‍ക്കും കര്‍ശന നിയന്ത്രണമുണ്ട്. സുതാര്യമായ വെള്ളക്കുപ്പി പരീക്ഷാ ഹാളില്‍ കൊണ്ടുപോകാനുള്ള അനുമതി ഇത്തവണ നല്‍കിയിട്ടുണ്ട്. ഒരു ക്ലാസ് മുറിയില്‍ 24 കുട്ടികളാണ് പരീക്ഷ എഴുതുക. രണ്ട് ഇന്‍വിജിലേറ്റര്‍മാരുണ്ടാകും.
إرسال تعليق