തിരുവമ്പാടി ഗ്രാമ പഞ്ചായത്ത് 35.43 കോടിയുടെ ബജറ്റ് അവതരിപ്പിച്ചു.

ഭവന നിർമ്മാണത്തിലും ദാരിദ്ര്യ ലഘൂകരണ പദ്ധതിക്കും ഉദ്പാദന മേഖലക്കും ഊന്നൽ

ലഹരിയിൽ വീഴാത്ത ഗ്രാമം പദ്ധതിക്കായി വകയിരുത്തൽ

തിരുവമ്പാടി ഹരിതാഭമാക്കാൻ ഹരിതോത്സവം 2 പദ്ധതി

തിരുവമ്പാടി:

തിരുവമ്പാടി ഗ്രാമ പഞ്ചായത്തിന്റെ 2025 - 26 വാർഷിക ബഡ്ജറ്റ് ഗ്രാമ പഞ്ചായത്ത് വൈസ് പ്രസിഡന്റും ധനകാര്യ സ്ഥിരം സമിതി അദ്ധ്യക്ഷനുമായ  കെ.എ അബ്ദുറഹിമാൻ അവതരിപ്പിച്ചു. ഗ്രാമ പഞ്ചായത്ത് പ്രസിഡന്റ് ബിന്ദു ജോൺസൺ ആമുഖ പ്രഭാഷണം നടത്തി.

ഇന്ത്യയുടെ ആത്മ്മാവ് ഗ്രാമങ്ങളില്‍ കുടികൊള്ളുന്നുവെന്ന മാഹാത്മ ഗാന്ധിയുടെ ആശയങ്ങളാണ്` ഇന്ന് നാം ആസൂത്രണം ചെയ്യുന്ന ഗ്രാമീണ വികസന പദ്ധതികളുടെ അടിസ്ഥാന ശിലയെന്ന് ഉണർത്തിയാണ് വൈസ് പ്രസിഡന്റ് ബജറ്റ് പ്രസംഗത്തിന് തുടക്കം കുറിച്ചത്.

 35,43,03169 രൂപ വരവും ചെലവ് 34,34,64,900 രൂപയും  ബജറ്റിൽ നീക്കിയിരുപ്പായി 2,02,50,269 രൂപയും പ്രതീക്ഷിക്കുന്ന

ബജറ്റാണ് ഗ്രാമപഞ്ചായത്ത് വൈസ് പ്രസിഡന്റും ധനകാര്യ സ്ഥിരം സമിതി അദ്ധ്യക്ഷനുമായ കെ.എ അബ്ദുറഹിമാൻ അവതരിപ്പിച്ചത്.

 പാർശ്വവത്കരിക്കപ്പെട്ടവർ, സാമ്പത്തികമായി പിന്നോട്ട് നിൽക്കുന്നവർ എന്നിവർക്കെല്ലാം തുല്യ അവസരം നൽകണം. ഇതുവഴി ഗ്രാമത്തിന്‍റെ സാമ്പത്തിക വികസനത്തിനുതകുന്ന പ്രാദേശിക വിഭവങ്ങൾ തിരിച്ചറിയാനും ഉപയോഗപ്പെടുത്താനും പഞ്ചായത്തുകൾക്ക് കഴിയണം. ഈ രീതിയിൽ, പങ്കാളിത്ത ജനാധിപത്യത്തിന്‍റെയും സാമ്പത്തിക സ്വയംഭരണത്തിന്‍റെയും അടിസ്ഥാന സ്ഥാപനമായി ഗ്രാമങ്ങൾ മാറണമെന്ന  ഗാന്ധിജിയുടെ തത്വം പ്രതിഫലിക്കാൻ കഴിയുന്ന പരിഗണനകൾ ബജറ്റിൽ നടത്തിയിട്ടുണ്ട്.

കാർഷിക കുടിയേറ്റ മേഖലയായ തിരുവമ്പാടിയിലെ ജനസംഖ്യയുടെ പകുതിയിലധികം വരുന്ന കർഷക സമൂഹം വലിയ പ്രതിസന്ധികളും വെല്ലുവിളികളും നേരിട്ടാണ് മുന്നോട്ടുപോകുന്നത്.കാട്ടുമൃഗങ്ങളുടെ ആക്രമണവും കാർഷിക ഉത്പന്നങ്ങളുടെ വിലയിടിവും രോഗങ്ങളും പ്രതിസന്ധി തീർക്കുകയാണ്. കർഷിക മേഖലയിൽ പിടിച്ചുനിർത്താൻ ഈ മേഖലയുടെ വളർച്ചയ്ക്ക് ആക്കം കൂട്ടുന്ന നൂതനവും - സമഗ്രവുമായ പദ്ധതികൾക്കാവശ്യമായ വകയിരുത്തലുകൾ ബജറ്റിൽ നടത്തിയിട്ടുണ്ട്.

നെൽകൃഷി വികസനം, സമഗ്ര തെങ്ങ് കൃഷി വികസനം ,പച്ചക്കറി കൃഷി വികസനം ,സുഗന്ധവിള കൃഷി വികസനം, കാട്ടുമൃഗങ്ങളിൽ നിന്നും കർഷകരേയും കൃഷിയേയും രക്ഷിക്കാൻ സോളാർ പെൻസിംഗ് ,ജൈവവേലി,ഗ്രീൻ നെറ്റ്,വാഴ കൃഷി വികസനം,കാർഷിക യന്ത്രവത്ക്കരണത്തിന് സബ്സിഡി ഉൾപ്പെടെയുള്ള മറ്റു കാർഷിക വികസന പരിപാടികൾക്കായി 60,30,000 രൂപയാണ് വകയിരുത്തിയത്.

 ഗ്രാമത്തിലെ കർഷക കുടുംബങ്ങളിൽ  മൃഗസംരക്ഷണ -ക്ഷീരവികസന മേഖലയെ ധാരാളം കർഷകർ മുഖ്യ വരുമാന മേഖലയായി കണ്ടവരാണ്.

മൃഗസംരക്ഷണം, ക്ഷീരവികസനം, കാലിതീറ്റ വിതരണം, അടുക്കളമുറ്റത്തെ മുട്ടക്കോഴി വളർത്തൽ, രോഗനിയന്ത്രണം, പോത്തുകുട്ടി വിതരണം, ധാതു ലവണ മിശ്രിതം നൽകൽ,  മൃഗാശുപത്രിയിലേക്ക് ആവശ്യമായ മരുന്ന് വാങ്ങൽ തുടങ്ങിയ പദ്ധതികൾക്കായി - 86,00000 രൂപയും വകയിരുത്തിയിട്ടുണ്ട്.

ഗ്രാമത്തിലെ തൊഴിൽ രഹിതരായ യുവതി യുവാക്കൾക്ക് വരുമാനം സൃഷ്ടിക്കാൻ ഉതകുന്ന സംരംഭകത്വ മേഖലയുടെ വികസനത്തിനായി 22.2 ലക്ഷം രൂപയാണ് വകയിരുത്തിയത്.

ടൂറിസത്തിന് തിരുവമ്പാടിക്കുള്ള അനന്തസാധ്യതകളെ ഉപയോഗപെടുത്തി വരുമാനദായകമാറ്റി മറ്റാനുള്ള പദ്ധതികൾക്കായി 15 ലക്ഷം രൂപ വകയിരുത്തി. 

മത്സ്യ കൃഷി വികസന പദ്ധതിയായ മുറ്റത്തൊരു മീൻ തോട്ടം പദ്ധതി നടപ്പാക്കാൻ 7,00000 വകയിരുത്തിയത്.

ഗ്രാമത്തെ  സ്വയം പരാപ്തമാക്കുകയും അതിലൂടെ കർഷകർക്കും കർഷക തൊഴിലാളികൾക്കും , സംരംഭകർക്കും വരുമാനം സൃഷ്ടിക്കുക എന്ന ലക്ഷ്യത്തോടെ ഉൽപാദന മേഖലയുടെ വികസനത്തിന് ആകെ - 1,89,30,000 രൂപയാണ് വകയിരുത്തിയത്.

ഒരു ഗ്രാമത്തിലെ പ്രാദേശിക സർക്കാറാണ് ഗ്രാമപഞ്ചായത്തുകൾ ഗ്രാമപഞ്ചായത്തിന്റെയും അതിന്റെ ഘടക സ്ഥാപനങ്ങളുടെയും ദൈനംദിന പ്രവർത്തനങ്ങൾക്ക് വേണ്ടിയും ഭരണ നവീകരണ പ്രവർത്തനങ്ങൾക്ക് വേണ്ടിയും,സദ്ഭരണ പദ്ധതികൾക്കായും വലിയ വകയിരുത്തൽ ബജറ്റിൽ നടത്തിയിട്ടുണ്ട്.

ഘടക സ്ഥാപനങ്ങളുടെ കമ്പ്യൂട്ടർവൽക്കരണം, സേവന ഗുണനിലവാരം   വർദ്ധിപ്പിക്കൽ, പദ്ധതി രൂപീകരണം, ഹോണറേറിയം , ശമ്പളം,  ഫർണിച്ചറുകളും അനുബന്ധ ഉപകരണങ്ങളും വാങ്ങൽ ,ഹോമിയോ ആശുപത്രി ഐ എസ് ഒ സർട്ടിഫിക്കഷൻ, ഭരണനിർവഹണ ചിലവുകൾ, അനിവാര്യ ചുമതല നിർവ്വഹണം, എന്നിവക്കായി -3,14,50,000 രൂപയാണ് വകയിരുത്തിയത്.

വിദ്യാഭ്യാസം -യുവജനക്ഷേമം- കല -കായികം -സംസ്കാരം  എന്നിവയുടെ വികസനത്തിനായി കാര്യമായ വകയിരുത്തൽ ബഡ്ജറ്റിൽ നടത്തിയിട്ടുണ്ട്.

സാക്ഷരതാ പ്രവർത്തനം, പ്രൈമറി വിദ്യാഭ്യാസം ,എസ്.എസ് എ വിഹിതം നൽകൽ, ലൈബ്രറികൾ, യുവജനക്ഷേമം, സ്കൂളുകൾക്ക് സ്പോട്സ് കിറ്റ്,പ്രഭാത ഭക്ഷണം നൽകൽ എന്നിവക്കായി 28,50,000 രൂപയും വകയിരുത്തി.

ട്രാക്ക് സമഗ്ര കായിക വികസനം,ഫുട്ബോൾ നഴ്സറി,എന്നിവക്കായി - 5 ലക്ഷം രൂപയാണ് വകയിരുത്തിയത്.

ഗ്രാമ പഞ്ചായത്തിന്റെ എല്ലാ പദ്ധതികളിലും യുവജനങ്ങൾക്ക് വലിയ പരിഗണന നൽകിയിട്ടുണ്ടെങ്കിലും  യുവജനക്ഷേമത്തിനായി

ഗെയിംസ് ഫെസ്റ്റിവൽ നടത്താനായി  2 ലക്ഷം വകയിരുത്തുന്നു.

ആരോഗ്യ മേഖല വളരെയേറെ പ്രതിസന്ധിയിലൂടെയാണ് കടന്നു പോകുന്നത്. ആരോഗ്യമേഖലക്ക് കൂടുതൽ കരുതൽ ആവശ്യമാണ്.വിവിധങ്ങളായ രോഗങ്ങളാൽ അവശത അനുഭവിക്കുന്നവർ പകർച്ചവ്യാധികൾ സൃഷ്ടിക്കുന്ന വെല്ലുവിളികൾ, ജീവിത ശൈലി രോഗ പ്രതിരോധ നിയന്ത്രണ പദ്ധതികൾ ഇവയ്കെല്ലാം ആവശ്യമായ ഇടപെടലുകൾ ബജറ്റിൽ ഉണ്ട് .

ഡിസ്പെൻസറികളുടെ വികസനം, പൊതുജനാരോഗ്യം, പ്രത്യേക ആരോഗ്യ പദ്ധതി,പാലിയേറ്റിവ് പദ്ധതി, ജനകീയാരോഗ്യ കേന്ദ്രത്തിന് ലാപ്പ്ടോപ്പുകൾ നൽകൽ,മരുന്നുകൾ ലഭ്യമാക്കൽ, സമഗ്ര ആരോഗ്യ പദ്ധതി,ആരോഗ്യ കേന്ദ്രങ്ങളുടെ വികസനം, ആയുർവേദ പരിചരണ പദ്ധതി, ഹോമിയോ ആശുപത്രിയിലേക്ക് മരുന്ന് വാങ്ങൽ , പകർച്ചവ്യാധി നിയന്ത്രണം,വെൽനെസ് സെന്ററുകൾ, കുടുംബാരോഗ്യ കേന്ദ്രത്തിൽ ഗ്രാമ പഞ്ചായത്ത് നിയമിക്കുന്ന ഡോക്ടർ, ഫാർമസിസ്റ്റ് വേതനം നൽകൽ, കുടുംബാരോഗ്യ കേന്ദ്രം നവീകരണം, സ്നേഹസ്പർശം, സമ്പൂർണ്ണ ക്യാൻസർ കെയർ, തുടങ്ങിയ പദ്ധതികൾക്കായി - 78,50,000 രൂപയും വകയിരുത്തി.

ഗ്രാമത്തിലെ ഭിന്നശേഷിക്കാർ,കുട്ടികൾ എന്നീ വിഭാഗത്തിന്റെ ക്ഷേമത്തിനായി ഭിന്നശേഷി സ്കോളർഷിപ്പ് പദ്ധതി, ഒപ്പം - ഭിന്നശേഷി വിഭാഗത്തിന് ഇലട്രോണിക്ക് വീൽ ചെയർ നൽകൽ പദ്ധതി,ബഡ്സ് റിയാബിലിറ്റേഷൻ സെന്റർ, ഭിന്നശേഷി കലോഝവം, ബാലസഭ പ്രവർത്തനം ഉൾപ്പെടെയുള്ള പദ്ധതികൾക്കായി - 35,00,000 ലക്ഷം രൂപയാണ് വകയിരുത്തിയത്.

അങ്കണവാടി പോഷകഹാര പദ്ധതിക്കായി - 55 ലക്ഷം രൂപയും ,ഗ്രാമത്തിലെ അങ്കണവാടികൾ ക്രാഡിൽ  അങ്കണവാടികളാക്കുന്നതിനും കെട്ടിട സൗകര്യം വർദ്ധിപ്പിക്കൽ, അങ്കണവാടി അഡീഷണൻ ഹോണറേറിയം തുടങ്ങിയ പദ്ധതികൾക്കായി 43,83,000 ലക്ഷം രൂപ വകയിരുത്തിയുട്ടുണ്ട്.

വിവിധ സാമൂഹ്യ സുരക്ഷാ പെൻഷൻ വിതരണത്തിനായി - 8.5 കോടി മാറ്റി വെച്ചിട്ടുണ്ട്.

പട്ടികജാതി വികസന പദ്ധതികളായ വീട് വാസയോഗ്യമാക്കൽ, വിവാഹ ധന സഹായം, സ്കോളർഷിപ്പ്, ലാപ്പ്ടോപ്പ് നൽകൽ, ലൈപ്പ് പാർപ്പിട പദ്ധതി തുടങ്ങിയ പദ്ധതികൾക്കായി- 56,00000 ലക്ഷം രൂപയാണ് മാറ്റിവെച്ചത്.

 പട്ടിക വർഗ്ഗ വികസന പദ്ധതികളായ ഗോത്രസാരഥി, ട്രൈബൽ മെഡിക്കൽ ക്യാമ്പ് , ആയുർവേദ പരിചരണം, ലൈഫ് പാർപ്പിട പദ്ധതി തുടങ്ങിയ പദ്ധതികൾക്കായി 47 ലക്ഷം രൂപയും നീക്കിവെച്ചു.

ഗ്രാമ പഞ്ചായത്തിന്റെ ബജറ്റ് ജന്ററിന് ഊന്നൽ നൽകിയാണ് തയ്യാറാക്കിയിട്ടുള്ളത്. എല്ലാ പദ്ധതികളിലും സ്ത്രീകൾക്ക് തുല്ല്യ പരിഗണന നൽകാൻ ശ്രദ്ധിച്ചിട്ടുണ്ട്. എന്നിരുന്നാലും  വിനിതകളുടെ വികസനം, കുടുംബശ്രീ ശാക്തീകരണം, തൊഴിൽ പരിശീലനം, യോഗ പരിശീലനം ,തൊഴിൽ പരിശീലനം, ജാഗ്രത സമിതി കൗൺസിലിംഗ് സെന്റർ തുടങ്ങി വനീതാ ശാക്തീകരണ പദ്ധതികൾക്ക് മാത്രമായി 57 ലക്ഷം രൂപയാണ് വകയിരുത്തിയത്.

ഗ്രാമത്തിൽ ഭവന രഹിതർക്ക് ഭവനം നിർമ്മിക്കുന്നതിനായി - 4.2 കോടി രൂപയാണ് നീക്കിവെച്ചത്.

-അതി ദാരിദ്ര്യ പദ്ധതി, അഗതി ആശ്രയ വിഭാഗങ്ങൾക്ക് മരുന്ന് ഭക്ഷണം,തൊഴിലുപ്പ് പദ്ധതി ഉൾപ്പെടെയുള്ള ഭാരിദ്ര്യ ലഘുകരണ പദ്ധതികൾക്കായി - 3.75 കോടി രൂപ വകയിരുത്തിയിട്ടുണ്ട്.

ഗ്രാമത്തിലെ വയോജനങ്ങളുടെ ക്ഷേമത്തിയി വയോശ്വാസ് പദ്ധതി, പകൽ വീട് സജീകരണം, വയോ ക്ലബ്ബ് എന്നിവക്കായി 25,00000 രൂപയും വകയിരുത്തിയിട്ടുണ്ട്.

മാലിന്യ പരിപാലനരംഗത്ത് ഒട്ടേറെ മുന്നേറാറും മാതൃകാപരമായ പദ്ധതികൾ നടപ്പിലാക്കാനും  സാധിച്ചിട്ടുണ്ട്. വീടുകളിൽ ബൊക്കാഷി ബക്കറ്റ്, ഹരിത കർമ്മ സേന പ്രവർത്തനം, എം സി എഫ് വിപുലീകരണം എന്നീ എം.ആർ എഫ് യന്ത്രവത്ക്കരണം തുടങ്ങിയ പദ്ധതികൾക്കായി 58 ലക്ഷം രൂപയാണ് വകയിരുത്തിയത്.

മലയോര മേഖലയായി ട്ടുള്ള തിരുവമ്പാടിയിൽ എക്കാലത്തെയും ഉയർന്ന ആവശ്യമാണ് അടിസ്ഥാന സൗകര്യങ്ങളുടെ വികസനം. 

റോഡുകളുടെ പുനരുദ്ധാരണത്തിനായി - 5 കോടി  രൂപയാണ് വകയിരുത്തിയത്.

റോഡുകൾ, നടപ്പാതകൾ, കലുങ്ക്,  ജലാശയങ്ങളുടെ നവീകരണം എന്നിവയുടെ നിർമ്മാണത്തിനായി - 1 കോടി 10 ലക്ഷം രൂപ 

വകയിരുത്തിയിട്ടുണ്ട്.

തിരുവമ്പാടിയിൽ ഹാപ്പിനെസ് പാർക്കും, ഓപ്പൺ ജിംനേഷ്യം എന്നിവ   സ്ഥാപിക്കാൻ 20 ലക്ഷം രൂപ വകയിരുത്തി.

വെട്ടം പദ്ധതിയുടെ ഭാഗമായി തെരുവ് വിളക്കുകൾ, ഊർജ സംരക്ഷണം എന്നിവക്കായി 17 ലക്ഷവും ,കാലാവസ്ഥാ വ്യതിയാനം, വെള്ളപൊക്കം , ദുരന്ത നിവാരണം പ്രവർത്തനങ്ങൾക്കായി 10 ലക്ഷം രൂപ വകയിരുത്തിയിട്ടുണ്ട്.

ഹരിതോത്സവം 2  പദ്ധതിക്കായി 10 ലക്ഷം രൂപയും, കാർബൺ ന്യൂട്രൽ ഗ്രാമാ പദ്ധതിക്ക് 10 ലക്ഷം രൂപയും വകയിരിത്തിയിട്ടുണ്ട്.

പഞ്ചായത്ത് രാജ് നിയമത്തിൻ്റെ മുപ്പതാണ്ട് തികയുന്ന തൻ്റെ ഓർമ്മക്കായി ഗ്രാപഞ്ചായത്ത് ഹാൾ  മുൻ എം എൽ എ സി .മോയിക്കുട്ടിയുടെ പേരിൽ നാമകരണം ചെയ്യുന്നതിനും നവീകരിക്കുന്നതിനുമായി 15 ലക്ഷം രൂപ വകയിരിത്തിയിട്ടുണ്ട്.

ലഹരിയിൽ വീഴാത്ത ഗ്രാമം സൗഹൃദം വാഴുന്ന ഗ്രാമം എൻ്റെ സുന്ദര തിരുവമ്പാടി എന്ന പേരിൽ ഒരു വർഷം നീണ്ടു നിൽക്കുന്ന ലഹരി വിരുദ്ധ കർമ്മ പദ്ധതിക്കായി 5 ലക്ഷം രൂപയും വകയിരുത്തിയിട്ടുണ്ട്.

ഗ്രാമ പഞ്ചായത്ത് ഹാളിൽ നടന്ന യോഗത്തിൽ സ്ഥിരം സമിതി അദ്ധ്യക്ഷരായ ലിസി മാളിയേക്കൽ, രാജു അമ്പലത്തിങ്കൽ, റംല ചോലക്കൽ, കെ.എം മുഹമ്മദലി, മറ്റു ജനപ്രതിനിധികൾ, സെക്രട്ടറി ഷാജു കെ.എസ്, ഘടക സ്ഥാപന മേധാവികൾ തുടങ്ങിയവർ ബജറ്റ് അവതരണ യോഗത്തിൽ പങ്കെടുത്തു.