പുല്ലുരാംപാറ, പള്ളിപ്പടിയിലെ കെ കെ ഹോട്ടൽ ഉടമ ഇരുവിളംകാട് കാളിദാസൻ അന്തരിച്ചു.

തിരുവമ്പാടി : പുല്ലുരാംപാറ പള്ളിപ്പടിയിലെ കെ കെ ഹോട്ടൽ ഉടമ ഇരുവിളംകാട് കാളിദാസൻ (ദാസൻ-58) അന്തരിച്ചു.

കഴിഞ്ഞ ഞായറാഴ്ച വിഷം ഉള്ളിൽ ചെന്ന നിലയിൽ കാളിദാസനെ ഹോട്ടലിൽ കണ്ടെത്തുകയായിരുന്നു.

ഉടൻ തന്നെ ഓമശ്ശേരിയിലെ സ്വകാര്യ ആശുപത്രിയിലും തുടർന്ന് കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.

മെഡിക്കൽ കോളേജ് ആശുപത്രിയിൽ ചികിത്സയിൽ ഇരിക്കെ ആണ് മരണം.

സംസ്കാരം ഇന്ന് (13-02-2025-വ്യാഴം) വൈകുന്നേരം 03:00-ന് മരുമകൻ അരുണിൻ്റെ തോട്ടുമുഴിയിലെ വസതിയിൽ നടക്കുന്ന പ്രാർത്ഥനാ ചടങ്ങുകൾക്ക് ശേഷം തിരുവമ്പാടി ഗ്രാമപഞ്ചായത്തിൻ്റെ ഒറ്റപ്പൊയിൽ പൊതുശ്മശാനത്തിൽ.

ഭൗതികദേഹം ഉച്ചയ്ക്ക് 12:00-ന് പുല്ലൂരാംപാറ പള്ളിപ്പടിയിലും 12.30-ന് മരുമകൻ്റെ തോട്ടുമുഴിയിലെ വസതിയിലും പൊതുദർശനത്തിനു വെക്കും.

പരേതനോടുള്ള ആദരസൂചകമായി ഇന്ന് ഉച്ചയ്ക്ക് 12:00-മണി മുതൽ വൈകുന്നേരം 04:00-മണി വരെ പുല്ലൂരാംപാറയിൽ കടകൾ അടച്ചിടുമെന്ന് വ്യാപാരി വ്യസായി ഏകോപന സമിതി അറിയിച്ചു.

ഭാര്യ: ലത.

മക്കൾ: കൃഷ്ണദാസ്, ദസിൽ (ഖത്തർ ), രമ്യ.

മരുമകൻ: അരുൺ (കുന്നത്ത് കൺസ്ട്രക്ഷൻസ് പുല്ലുരാംപാറ).

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)