ഇസ്രായേൽ-ഹമാസ് വെടിനിർത്തൽ കരാർ നിലവിൽ വന്നു.

ഗസ്സ: ഇസ്രായേൽ-ഹമാസ് വെടിനിർത്തൽ കരാർ നിലവിൽ വന്നു. മൂന്ന് മണിക്കൂർ നീണ്ട അനിശ്ചിതത്വത്തി​നൊടുവിലാണ് വെടിനിർത്തൽ കരാർ നിലവിൽ വന്നത്. മോചിപ്പിക്കുന്ന മൂന്ന് ബന്ദികളുടെ പേരുകൾ ഹമാസ് കൈമാറിയതോടെയാണ് വെടിനിർത്തൽ കരാറിന് വഴിയൊരുങ്ങിയത്.

വെടിനിർത്തൽ കരാർ നിലവിൽ വന്ന വിവരം ഖത്തറും സ്ഥിരീകരിച്ചിട്ടുണ്ട്. ഖത്തർ വിദേശകാര്യമന്ത്രാലയമാണ് ഇക്കാര്യം സ്ഥിരീകരിച്ച് രംഗത്തെത്തിയത്. അതേസമയം, ഇസ്രായേൽ ഇന്ന് നടത്തിയ ആക്രമണങ്ങളിൽ 10 ഫലസ്തീനികൾ ​കൊല്ലപ്പെട്ടിരുന്നു.

ഇതുവരെ ഗസ്സയിൽ ഇസ്രായേൽ നടത്തിയ യുദ്ധത്തിൽ 46,899 പേർ കൊല്ലപ്പെട്ടിരുന്നു. 1,10,725 പേർക്ക് പരിക്കേൽക്കുകയും ചെയ്തു. ഹമാസിന്റെ ആക്രമണങ്ങളിൽ 1,139 പേർ കൊല്ലപ്പെടുകയും ചെയ്തു.

മൂ​ന്ന് ഘ​ട്ട​ങ്ങ​ളി​ലാ​യാ​കും വെ​ടി​നി​ർ​ത്ത​ൽ. ആ​ദ്യ ഘ​ട്ട​ത്തി​ൽ സ്ത്രീ​ക​ൾ, കു​ട്ടി​ക​ൾ, വൃ​ദ്ധ​ർ എ​ന്നി​ങ്ങ​നെ 33 ബ​ന്ദി​ക​ളെ​യാ​കും വി​ട്ട​യ​ക്കു​ക. പ​രി​ക്കേ​റ്റ​വ​ർ, രോ​ഗി​ക​ൾ എ​ന്നി​വ​രെ​യും മോ​ചി​പ്പി​ക്കും. മൂ​ന്ന് ബ​ന്ദി​കൾ ഒ​ന്നാം ദി​വ​സം മോ​ചി​ത​രാ​കും. ഏഴാം നാൾ നാലു പേരും 14ാം ദിനത്തിൽ മൂന്നുപേരും പുറ​ത്തെത്തും. 28, 35 ദിവസങ്ങളിൽ മൂന്നു പേർ വീതം മോചിതരാകും. കരാർ പ്രകാരം അവശേഷിച്ചവർ അവസാന ആഴ്ചയിലാകും പുറത്തെത്തുക. ഇ​സ്രാ​യേ​ൽ സേ​നാ പി​ന്മാ​റ്റ​വും അ​നു​ബ​ന്ധ​മാ​യി ആ​രം​ഭി​ക്കും. ര​ണ്ട്, മൂ​ന്ന് ഘ​ട്ട​ങ്ങ​ളു​ടെ വി​ശ​ദാം​ശ​ങ്ങ​ൾ വെ​ടി​നി​ർ​ത്ത​ലി​ന്റെ 16ാം നാ​ൾ ആ​രം​ഭി​ക്കും.

ര​ണ്ടാം ഘ​ട്ട​ത്തി​ൽ പ​ട്ടാ​ള​ക്കാ​ർ, റി​സ​ർ​വ് സേ​നാം​ഗ​ങ്ങ​ൾ എ​ന്നി​വ​രാ​കും വി​ട്ട​യ​ക്ക​പ്പെ​ടു​ക. പ​ക​ര​മാ​യി ഫ​ല​സ്തീ​ൻ ത​ട​വു​കാ​രു​ടെ മോ​ച​ന​വും ന​ട​ക്കും. 1,000 ഫ​ല​സ്തീ​ൻ ത​ട​വു​കാ​രെ വി​ട്ട​യ​ക്കാ​മെ​ന്ന് സ​മ്മ​തി​ച്ച​തി​ൽ 190 പേ​ർ 15 വ​ർ​ഷ​മോ അ​തി​ലേ​റെ​യോ ജ​യി​ൽ ശി​ക്ഷ വി​ധി​ക്ക​പ്പെ​ട്ട​വ​രാ​ണ്. ഇ​തേ ഘ​ട്ട​ത്തി​ൽ വ​ട​ക്ക​ൻ ഗ​സ്സ​യി​ലേ​ക്ക് മ​ട​ക്ക​വും അ​നു​വ​ദി​ക്കും. 23 ല​ക്ഷം ജ​ന​സം​ഖ്യ​യു​ള്ള ഗ​സ്സ​യി​ൽ ഒ​രി​ക്ക​ലെ​ങ്കി​ലും പ​ലാ​യ​നം ചെ​യ്യാ​ത്ത​വ​ർ അ​ത്യ​പൂ​ർ​വ​മാ​കും. ഗ​സ്സ​യു​ടെ പു​ന​ർ​നി​ർ​മാ​ണ​മാ​ണ് മൂ​ന്നാം ഘ​ട്ട​ത്തി​ൽ ന​ട​ക്കു​ക. ഈ ​ഘ​ട്ട​ത്തി​ലും ഇ​സ്രാ​യേ​ൽ സേ​ന ഗ​സ്സ​യി​ൽ തു​ട​രും