വേനപ്പാറ യു പി സ്കൂളിൽ ഗണിതപാർക്കൊരുക്കി.

വേനപ്പാറ ലിറ്റിൽ ഫ്ലവർ യുപി സ്കൂളിലെ ഗണിതപാർക്കിൻ്റെ ഉദ്ഘാടനം കോഴിക്കോട് ഡയറ്റ് പ്രിൻസിപ്പാൾ ഡോ. യു കെ അബ്ദുൾ നാസർ നിർവഹിക്കുന്നു

ഓമശ്ശേരി :

വേനപ്പാറ ലിറ്റിൽ ഫ്ലവർ യുപി സ്കൂളിൽ പുതുതായി നിർമിച്ച ഗണിത പാർക്കിൻ്റെ ഉദ്ഘാടനം നടത്തി.

സ്കൂൾ ജൈവ വൈവിധ്യ പാർക്കിലൊരുക്കിയ ഇരിപ്പിടങ്ങൾ ജ്യാമിതീയ രൂപങ്ങളാക്കി നിർമിച്ചത് പെയിൻ്റിംഗ് നടത്തി നെയിംബോർഡുകൾ സ്ഥാപിച്ച ശേഷമാണ് ഉദ്ഘാടനം നടത്തിയത്.

ഗണിത പാർക്കിൻ്റെ ഉദ്ഘാടനം ഡയറ്റ് പ്രിൻസിപ്പാൾ ഡോ. യു കെ അബ്ദുൾ നാസർ നിർവഹിച്ചു. സ്കൂൾ മാനേജർ ഫാ.സജി മങ്ങരയിൽ അധ്യക്ഷത വഹിച്ചു.

പ്രധാനാധ്യാപകൻ ജെയിംസ് ജോഷി മുൻ പ്രധാനാധ്യാപകൻ പി എ ഉസൈൻ അധ്യാപകരായ ഡോൺ ജോസ് ,എബി തോമസ്, ഷബ്ന ജോസ് സ്കൂൾ ലീഡർ റിയോൺ പ്രവീൺ എന്നിവർ പ്രസംഗിച്ചു.

വിദ്യാർഥികളിൽ ഗണിത ചിന്ത ഉറപ്പിക്കുന്നതിനും ജീവിതഗന്ധിയാക്കുന്നതിനും വേണ്ടി വൈവിധ്യമാർന്ന നിർമിതികളും ജ്യാമിതീയ രൂപങ്ങളും ഉൾപ്പെടുത്തി തയ്യാറാക്കിയ ഗണിത പാർക്ക് മാതൃകാപരമെന്ന് ഡയറ്റ് പ്രിൻസിപ്പാൾ അഭിപ്രായപ്പെട്ടു.

കുട്ടികളുടെ പഠനപ്രശ്നം ലഘൂകരിക്കുന്നതിനും അടിസ്ഥാന ശേഷികൾ ഉറപ്പാക്കുന്നതിനും സഹായകരമായ രീതിയിലാണ് പാർക്ക് നിർമിച്ചിരിക്കുന്നത്.