ഓമശ്ശേരി: പഞ്ചായത്തിലെ 32 അങ്കണവാടികളിൽ നിന്നുള്ള മുന്നൂറ്റി അമ്പതിൽ പരം പിഞ്ചുകുട്ടികളുടെ കലാപരിപാടികൾ (അങ്കണവാടി കലോൽസവം-മഞ്ജീരം-24)നാടിന്റെ ആഘോഷമായി മാറി.കുരുന്നുകളുടെ സർഗ്ഗവസന്തം വിരിഞ്ഞ ഒരു പകൽ നവ്യാനുഭവമായിരുന്നു.ആടിയും പാടിയും മണവാളനായും മണവാട്ടിയായും കുഞ്ഞുങ്ങൾ അരങ്ങ്‌ തകർത്തപ്പോൾ കാണികൾക്കത്‌ വിസ്മയമായി.വ്യക്തിഗത കലാ പരിപാടികളും ഗ്രൂപ്പ്‌ ഐറ്റംസുകളുമുൾപ്പടെ 64 ഇനങ്ങളിൽ നടന്ന ഏകദിന കലോൽസവം രക്ഷിതാക്കളും അധ്യാപികമാരും ഹെൽപർമാരും നാട്ടുകാരുമുൾപ്പടെ നൂറുകണക്കിനാളുകൾ തിങ്ങി നിറഞ്ഞ ശ്രോതാക്കളിൽ പുതുമയും ആവേശവും വിതറുന്നതായിരുന്നു.ഒപ്പന,ഡാൻസ്‌,ആംഗ്യപ്പാട്ടുകൾ,നിശ്ചല ദൃശ്യങ്ങൾ ഉൾപ്പടെയുള്ള കലാപരിപാടികൾ നിറഞ്ഞ കയ്യടികളോടെയാണ്‌ സദസ്സ്‌ വരവേറ്റത്‌.
ഓമശ്ശേരി ഐ.ഡബ്ലിയു.ടി.ഹാളിൽ നടന്ന പഞ്ചായത്ത്‌തല അങ്കണവാടി കലോൽസവം കാലത്ത്‌ പഞ്ചായത്ത്‌ പ്രസിഡണ്ട്‌ പി.കെ.ഗംഗാധരൻ ഉൽഘാടനം ചെയ്തു.ക്ഷേമകാര്യ സ്റ്റാന്റിംഗ്‌ കമ്മിറ്റി ചെയർപേഴ്സൺ സീനത്ത്‌ തട്ടാഞ്ചേരി അദ്ധ്യക്ഷത വഹിച്ചു.വൈകുന്നേരം നടന്ന സമാപന സംഗമം പഞ്ചായത്ത്‌ വൈസ്‌ പ്രസിഡണ്ട്‌ ഫാത്വിമ അബു ഉൽഘാടനം ചെയ്തു.വികസന സ്റ്റാന്റിംഗ്‌ കമ്മിറ്റി ചെയർമാൻ യൂനുസ്‌ അമ്പലക്കണ്ടി അദ്ധ്യക്ഷത വഹിച്ചു.പരിപാടികളിൽ പങ്കെടുത്ത മുഴുവൻ വിദ്യാർത്ഥികൾക്കും സമാപന ചടങ്ങിൽ ജനപ്രതിനിധികൾ ഉപഹാരങ്ങൾ കൈമാറി.ഐ.സി.ഡി.എസ്‌.സൂപ്പർവൈസർ ഉദയ കെ.ജോയ്‌ പദ്ധതി വിശദീകരിച്ചു.പഞ്ചായത്ത്‌ സെക്രട്ടറി കെ.ഗിരീഷ്‌ കുമാർ,ബ്ലോക്‌ പഞ്ചായത്തംഗം ടി.മഹ്‌റൂഫ്‌,പഞ്ചായത്തംഗങ്ങളായ പി.അബ്ദുൽ നാസർ,എം.എം.രാധാമണി ടീച്ചർ,സൈനുദ്ദീൻ കൊളത്തക്കര,ഒ.പി.സുഹറ,കെ.ആനന്ദകൃഷ്ണൻ,എം.ഷീജ ബാബു,സി.എ.ആയിഷ ടീച്ചർ,അശോകൻ പുനത്തിൽ,ഇബ്രാഹീം ഹാജി പാറങ്ങോട്ടിൽ,ബീന പത്മദാസ്‌,എം.ഷീല,ഡി.ഉഷാദേവി ടീച്ചർ എന്നിവർ പ്രസംഗിച്ചു.
ഫോട്ടോ:ഓമശ്ശേരി പഞ്ചായത്ത്‌ അങ്കണവാടി കലോൽസവം (മഞ്ജീരം-24) പഞ്ചായത്ത്‌ പ്രസിഡണ്ട്‌ പി.കെ.ഗംഗാധരൻ ഉൽഘാടനം ചെയ്യുന്നു.
Post a Comment