വോട്ടെടുപ്പ് അവസാനിക്കുന്ന ബുധനാഴ്ച വൈകിട്ട് ആറ് വരെ തിരുവമ്പാടി മണ്ഡലം ഉള്‍പ്പെടെ വയനാട് ലോക്‌സഭ മണ്ഡല പരിധിയില്‍ ഡ്രൈ ഡേ ആയിരിക്കും.
വയനാട്: ഉപതെരഞ്ഞെടുപ്പിന്റെ പശ്ചാത്തലത്തില്‍ തിരുവമ്പാടി നിയോജക മണ്ഡലത്തില്‍ മൂന്ന് ദിവസം ഡ്രൈ ഡേ പ്രഖ്യാപിച്ചു. ജില്ലാ തിരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കളക്ടറാണ് ഡ്രൈ ഡേ പ്രഖ്യാപിച്ചത്.
ഇന്ന് വൈകിട്ട് ആറ് മുതല്‍ വോട്ടെടുപ്പ് അവസാനിക്കുന്ന ബുധനാഴ്ച വൈകിട്ട് ആറ് വരെ തിരുവമ്പാടി മണ്ഡലം ഉള്‍പ്പെടെ വയനാട് ലോക്‌സഭ മണ്ഡല പരിധിയില്‍ ഡ്രൈ ഡേ ആയിരിക്കും.
അതേസമയം,നവംബര്‍ 13 ന് തിരുവമ്പാടി നിയോജക മണ്ഡലം പരിധിയിലുള്ള എല്ലാ സര്‍ക്കാര്‍,പൊതുമേഖലാ സ്ഥാപനങ്ങള്‍ക്കും വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍ പൊതുഅവധി പ്രഖ്യാപിച്ചിട്ടുണ്ട്. എല്ലാ സ്വകാര്യ വാണിജ്യ-വ്യവസായ സ്ഥാപനങ്ങളും മറ്റ് സ്വകാര്യ സ്ഥാപനങ്ങളും ജീവനക്കാര്‍ക്ക് ശമ്പളത്തോട് കൂടിയ അവധി നല്‍കണം.
ഇതിന് പുറമെ ഉപതിരഞ്ഞെടുപ്പ് നടക്കുന്ന വയനാട് ലോക്‌സഭ, ചേലക്കര, മണ്ഡലങ്ങളില്‍ വോട്ടുള്ളവരും എന്നാല്‍ മണ്ഡലത്തിന് പുറത്ത് ജോലി ചെയ്യുന്നവരുമായ എല്ലാ സര്‍ക്കാര്‍ സ്വകാര്യ സ്ഥാപനങ്ങളിലെ ജീവനക്കാര്‍ക്കും ഈ ദിവസം ശമ്പളത്തോടു കൂടിയ അവധിയായിരിക്കും.
Post a Comment