ശിശുദിനം ആഘോഷിച്ചു.

തിരുവമ്പാടി :

പുല്ലൂരാംപാറ സെന്റ് ജോസഫ്സ് യു.പി. സ്കൂളിൽ ശിശുദിനം വിവിധ പരിപാടികളോടെ വർണാഭമായി ആഘോഷിച്ചു. 

സ്കൂൾ അങ്കണത്തിലെ നെഹ്റു പ്രതിമയ്ക്കു മുന്നിൽ പുഷ്പാർച്ചനയോടെ പരിപാടികൾ ആരംഭിച്ചു.  സ്കൂൾ ഹെഡ്മാസ്റ്റർ സിബി കുര്യാക്കോസ്, വിദ്യാർത്ഥി പ്രതിനിധി  നിവേദിത ഫ്രാൻസീസ് എന്നിവർ ശിശുദിന സന്ദേശം നൽകി. കൊച്ചു ചാച്ചാജിമാരും ജെ. ആർ.സി. കേഡറ്റുകളും അണിനിരന്ന ശിശുദിന റാലിയിൽ പ്ലക്കാർഡുകളും മുദ്രാവാക്യങ്ങളുമായി വിദ്യാർത്ഥികൾ ആവേശപൂർവം പങ്കെടുത്തു. നെഹ്റു തൊപ്പി നിർമാണം, പ്ലക്കാർഡ് നിർമാണം, ചുമർ പത്രിക നിർമാണം തുടങ്ങിയ വിവിധ മൽസരങ്ങളും പ്രശ്നോത്തിരിയും ദിനാചരണത്തിൻ്റെ ഭാഗമായി സംഘടിപ്പിച്ചു. വിദ്യാർത്ഥികൾക്ക് മധുര പലഹാരം വിതരണം ചെയ്തു. അധ്യാപകരായ പിൻ്റോ തോമസ്, അബ്ദുൾ റഷീദ്, ട്രീസ മേരി ജോസഫ്, ദിവ്യ ജോസഫ്, അമൽ വിനോയ് എന്നിവർ പരിപാടികൾക്ക് നേതൃത്വം നൽകി.