ഓമശ്ശേരി:വയനാട്‌ ലോക്സഭ ഉപതിരഞ്ഞെടുപ്പിലെ ഐക്യ ജനാധിപത്യ മുന്നണി സ്ഥാനാർത്ഥി പ്രിയങ്കാ ഗാന്ധിയുടെ തിരഞ്ഞെടുപ്പ്‌ പ്രചാരണാർത്ഥം 108,110 ബൂത്ത്‌ കമ്മിറ്റികൾ സയുക്തമായി സംഘടിപ്പിക്കുന്ന യു.ഡി.എഫ്‌.മെഗാ കുടുംബ സംഗമം നാളെ (വെള്ളി) രാത്രി 7 മണിക്ക്‌ ആലിൻതറയിൽ നടക്കും.സാരഥിപ്പടിക്ക്‌ സമീപം എ.എം.അഹമ്മദ്‌ കുട്ടി ഹാജി,മുഹമ്മദ് ജസീം കുഴിമ്പാട്ടിൽ എന്നിവരുടെ നാമധേയത്തിൽ പ്രത്യേകം സജ്ജമാക്കിയ വേദിയിലാണ്‌ കുടുംബസംഗമം നടക്കുന്നത്‌.കെ.പി.സി.സി.മുൻ പ്രസിഡണ്ട്‌ കെ.മുരളീധരൻ ഉൽഘാടനം ചെയ്യും.മുസ്‌ലിം യൂത്ത്‌ ലീഗ്‌ അഖിലേന്ത്യാ വൈസ്‌ പ്രസിഡണ്ട്‌ ഷിബു മീരാൻ മുഖ്യപ്രഭാഷണം നടത്തും.യു.ഡി.എഫിന്റെ മണ്ഡലം-ജില്ലാ-സംസ്ഥാന നേതാക്കൾ പങ്കെടുക്കും.
മെഗാ കുടുംബ സംഗമം വമ്പിച്ച വിജയമാക്കാൻ ആലിൻ തറ പി.ടി.എച്ച്‌.ഓഫീസിൽ ചേർന്ന യു.ഡി.എഫ്‌.കൺവെൻഷൻ തീരുമാനിച്ചു.മെഗാ കുടുംബ സംഗമത്തിന്‌ കൺവെൻഷൻ അന്തിമരൂപം നൽകി.കൺവെൻഷനിൽ കരിമ്പനക്കൽ ബാലൻ അദ്ധ്യക്ഷത വഹിച്ചു.ഓമശ്ശേരി ഗ്രാമപഞ്ചായത്ത്‌ വികസന സ്റ്റാന്റിംഗ്‌ കമ്മിറ്റി ചെയർമാൻ യൂനുസ്‌ അമ്പലക്കണ്ടി ഉൽഘാടനം ചെയ്തു.മുക്കം മുനിസിപ്പൽ യൂത്ത്‌ ലീഗ്‌ പ്രസിഡണ്ട്‌ ശരീഫ്‌ വെണ്ണക്കോട്‌ സ്വാഗതം പറഞ്ഞു.മുക്കം മുനിസിപ്പൽ യു.ഡി.എഫ്‌.ചെയർമാൻ എ.എം.അബൂബക്കർ മുഖ്യപ്രഭാഷണം നടത്തി.റസാഖ്‌ മാസ്റ്റർ തടത്തിമ്മൽ,അബൂബക്കർ കൊടശ്ശേരി,കെ.എസ്‌.ആർ.ടി.സി.ഇബ്രാഹീം ഹാജി,വി.അബ്ദുല്ലക്കുട്ടി,ടി.പി.രാരുക്കുട്ടി,ശ്രീനു കരിമ്പനക്കൽ,പി കെ സൈനുദ്ദീൻ,പി.കെ.ഹുസൈൻ ഹാജി,എ.പി.അബ്ദുറഹിമാൻ,കെ.ടി.ഇബ്രാഹിം ഹാജി,പി സി അബ്ദുറഹിമാൻ,ഉനൈസ് നെച്ചൂളി,മുഹമ്മദ് കൊടശ്ശേരി,മഠത്തിൽ ഖാദർ,സി.വി.ഹുസൈൻ,നിസാർ കുഴിമ്പാട്ടിൽ എന്നിവർ സംസാരിച്ചു.
ഫോട്ടോ:ആലിൻതറയിൽ നടന്ന യു.ഡി.എഫ്‌.കൺവെൻഷൻ ഓമശ്ശേരി ഗ്രാമപഞ്ചായത്ത്‌ വികസന സ്റ്റാന്റിംഗ്‌ കമ്മിറ്റി ചെയർമാൻ യൂനുസ്‌ അമ്പലക്കണ്ടി ഉൽഘാടനം ചെയ്യുന്നു.
Post a Comment